Síguenos en:

Facebook-Logo

twitter-logo

Archivo


Novas
OBRADOIROS PARA ADOLESCENTES NO IES TOMIÑO

Obradoiros no institutoEste mes de febreiro a Asociación Érguete Baixo Miño comezou a impartir no IES de Tomiño, ao igual que xa fixo no IES A Sangriña durante o mes de xaneiro, diversos obradoiros dirixidos ao alumnado de 1º, 3º da ESO e PCPI, sumando un total de 237 participantes.

 

As temáticas a traballar cos alumnos son: Comunicación e Habilidades Sociais en 1º da ESO; Consumo e Valores en 3º da ESO; e Condutas Aditivas en PCPI.

 

A finalidade destes obradoiros é a de traballar directamente co alumnado para dotalos  de habilidades que lles fagan mellorar a xestión dos posibles conflitos futuros, evitar o desenvolvemento e a consolidación de consumos problemáticos de drogas, concienciar sobre influencia da publicidade na conduta do/a consumidor/a, fomentar un consumo responsable e saudable e favorecer o espírito critico entre os/as adolescentes que permanecen vinculados ao sistema educativo.

 
INICIO DE TRES TALLERES DE PREVENCIÓN NO I.E.S. A SANGRIÑA


A partir deste martes a Asociación Érguete Baixo Miño inicia diversos Talleres de prevención no IES A Sangriña de A Guarda dirixidos a mozos e mozas pertencentes aos cursos de 1º, 3º da ESO e 1º, 2º de PCPI, sumando un total de 183 participantes.

Os talleres a realizar son:
o    Taller de Comunicación e Habilidades Sociais – 1º ESO
o    Taller de Consumo e Valores – 3º ESO
o    Taller Non pasa nada, pasa algo? – 1º e 2º PCPI

Nestas actividades, impartidas por unha Educadora e Traballadora Sociais da Asociación, contan cunha duración de 5 horas con cada grupo de alumnos/as –sumando un total 50 horas de intervención directa. Grazas á permanente colaboración por parte do IES A Sangriña podemos realizar estas actividades así coma a colaboración da Consellería de Sanidade –Dirección Xeral de Innovación e Xestión da Saúde Pública.

A finalidade destes talleres son adestrar en diferentes habilidades proporcionando ao alumnado un maior afianzamento da súa personalidade e unha mellor xestión dos posibles conflitos futuros, evitar o desenvolvemento e a consolidación de consumos problemáticos de drogas, concienciar sobre influencia da publicidade na conduta do/a consumidor/a, fomentar un consumo responsable e saudable e favorecer o espírito critico entre os/as adolescentes que permanecen vinculados ao sistema educativo.

 
PRÁCTICAS FORMATIVAS EN EMPRESAS DO CURSO DE TÉCNICO/A EN COCIÑA

O Curso de Técnico/a en Cociña dirixido a persoas desempregadas e con perfil profesional dentro do ámbito da hostalería e/ou restauración, comezou no mes de setembro cunha duración de 300 h.

 cursococina1156a

Nel participan 9 persoas da Comarca do Baixo Miño e enmárcase dentro do Programa de Formación e Inserción Social e Laboral da Asociación Érguete Baixo Mo. 

Durante decembro e xaneiro o alumnado está a realizar as prácticas formativas en centros de traballo cumprindo 120 h. máis, imprescindibles para obter o certificado. As empresas que colaboradoras son as seguintes: Restaurante Area Grande, Abadía das Eiras, La Casa de la Abuela, As Brasas, Tu Menú, Casa Outeiro, Woody Pool, Restaurante Trasmallo e A Quinta do Ramo. 

Esta actividade é impartida grazas á colaboración das cotas dos/as socios/as da Asociación, a Consellería de Traballo e Benestar –Secretaría Xeral de Política Social-, o Fondo Social Europeo, a Deputación de Pontevedra e o Concello de O Rosal.

 
Día Mundial do VIH/sida

ANTE O VIH ESTOU SEGURA/O

Ésta é a campaña da Federación Estatatal de Lesbianas, Gais, Transexuaules y Bisexuales, que enfatiza o uso do preservativo ante unha situación de risco.

"ME QUIERO, ME CUIDO Y ME PROTEJO. ANTE EL VIH... ESTOY SEGURO"


A Asociación ÉRGUETE BAIXO MIÑO está implicada no compromiso da prevención na transmisión do VIH/Sida. No Día Mundial do VIH/Sida, que se celebra o xoves 1 de decembro, participamos na proposta de ONUSIDA en relación á Campaña “Lights for rights” a través da cal fai una chamada de atención á poboación sobre o VIH e os dereitos das persoas afectadas.

Lograr unha maior accesibilidade da mocidade a mensaxes e materiais de prevención forma parte dos obxectivos para conmemorar este día.

A proba do VIH pode realizarse nos centros sanitarios da rede pública de maneira gratuíta e confidencial:

-       Centros de atención primaria: médico/a de cabeceira.

-       Centros de planificación familiar.

Tamén se poden facer en:

-       Laboratorios de análises clínicos.

Visita o enlace da Cruz Vermella para máis información detallada: http://www.cruzroja.es/vih/ ou no teléfono gratuíto 900 111 000.

Lembra que na Asociación, contamos cun Servizo de Información e de Asesoramento sobre VIH/Sida así como de Facilitación de Preservativos e de Xiringas totalmente gratuítos e confidenciais, abertos durante de todo ano. Tamén realizamos Talleres preventivos con mozas e mozos sobre Afectividade e Sexualidade, incidindo sobre un uso axeitado do preservativo.


30 ANOS DE LOGROS, 30 ANOS DE RETOS

Este ano, o Día Mundial da Sida coincide co aniversario dos primeiros casos rexistrados no mundo (Ano 1981 - EE.UU), e por iso a campaña que dende o Ministerio de Sanidade, Política Social e Igualdade así como a Consellería de Sanidade, fai unha reflexión sobre estes trinta anos de historia, de loita e de desafíos.

Descargar MANIFESTO DÍA MUNDIAL DA SIDA, GALICIA

Descargar CARTEL

 
Programas Escolares e Familiares 2011-12

Como cada ano, ao inicio do curso académico, a Asociación Érguete Baixo Miño achégalle aos Centros Educativos e a comunidade escolar da Comarca do Baixo Miño unha Guía resumo dos Programas Educativos que presentamos para este Curso académico 2.011/12, cunha ampla oferta de recursos e actividades.

A nova guía presenta como novidades destacables as actividades do “Programa de intervención socioeducativa: Navega con rumbo” para adecuarse ás demandas xeradas desta sociedade na que vivimos suxeita ao ritmo que marcan as Novas Tecnoloxías e as redes 2.0.

Entre os obxectivos da presente Guía está o de visualizar o compromiso coa coeducación dos diferentes centros escolares, tanto públicos como privados concertados, e especialmente coa educación para a saúde e intervención temperá como piar básico da prevención.

GUÍA DE PROGRAMAS DE PREVENCIÓN E EDUCACIÓN PARA A SAÚDE (ÁMBITO ESCOLAR E FAMILIAR) - Curso 2011-12

 
Estudio tabaquismo 2011

El 09/05/2011 la Asociación Nofumadores.org publicaba en su página web el estudio:

Análisis del impacto económico en la hostelería de la Ley 42/2010 (ley del tabaco)

Este documento fue elaborado por Nofumadores.org, en colaboración con CNPT, que analiza el impacto de la ley del tabaco en la hostelería entre enero y abril de 2011.

“ANÁLISIS DEL IMPACTO ECONÓMICO EN LA HOSTELERÍA DE LA LEY 42/2010, DE MODIFICACIÓN DE LA LEY 28/2005 DE MEDIDAS SANITARIAS FRENTE AL TABAQUISMO”

 
« InicioAnterior111213141516171819SeguinteFinal »

Páxina 17 de 19