Síguenos en:

Facebook-Logo

twitter-logo

Archivo


Novas
Curso Auxiliar Forestal 2015

OS 10 ALUMNOS/AS DO CURSO “AUXILIAR FORESTAL”

XA ESTÁN MANS A OBRA COA FORAMCIÓN TEÓRICO-PRÁCTICA

105-AuxForestal15

Os dez alumnos/as do Curso de Auxiliar Forestal organizado pola Asociación Érguete Baixo Miño e que se comezou a impartir a finais de outubro, xa están mans a obra realizando prácticas-formativas en espazos cedidos polas Comunidades de Montes. No Rosal, nos terreos da Canosa, ao redor do campo de fútbol, o alumnado realiza traballos de poda nas diferentes especies frondosas (carballo, faia, freixo, ...) plantadas alí, e limparán un pouco a zona. Tamén no Monte Santa Trega de A Guarda, ao carón do Parque do Cancelón, plantarán máis de trescentas árbores (pinos e frondosas), desbroce de acacia e poda de frondosa.

Dende a Asociación Érguete Baixo Miño, queremos agradecer á Comunidade de Montes San Miguel do Rosal, a Comunidade de Montes da Guarda e ao Concello de A Guarda pola cesión de terreos e material, co cal é posible a realización destas prácticas, optimizando os recursos existentes.

Esta actividade está subvencionada pola Consellería de Política Social, o Fondo Social Europeo 2014/2020 e polas cotas dos/as socios/as da Asociación.

 
Campaña Día Mundial SIDA 2015

1 DE DECEMBRO
DÍA MUNDIAL DA SIDA, “SEN ESTIGMAS”
 

Cada 1 de decembro, Día Mundial da SIDA, persoas de todo o mundo unan esforzos para xerar unha maior conciencia do que supón o VIH/SIDA e amosar solidariedade internacional ante a pandemia.
Este ano, coincidindo coa celebración do Día Mundial da SIDA, elaborouse unha Campaña para incrementar os coñecementos fronte a infección do VIH e outras ETS sempre promovendo a igualdade de trato e a non discriminación entre as persoas afectadas, empoderándoas para evitar a autoexclusión, fomentando habilidades que axuden a afrontar o posible estigma e discriminación.
O obxectivo desta campaña é informar sobre a existencia das ETS e concienciar do uso axeitado do preservativo como medio de prevención eficaz. Para iso, a Asociación Érguete Baixo Miño lembra que mantén de xeito continuado e gratuíto ao longo de todo o ano un servizo de facilitación e distribución de preservativos para todas aquelas persoas que o desexen.

32740_dia-mundial-de-lucha-contra-el-sida-sin-estigmas

 
Obradoiros nais/pais Tomiño

FALEMOS

O próximo venres día 13, comezaremos no CEP Pedro Caselles Beltrán de Tomiño uns Obradoiros dirixidos a nais/pais con fillos/as que cursan Educación Primaria nese centro.

Falemos_2015

 
Curso Auxiliar Forestal

CURSO de “AUXILIAR FORESTAL” PARA DESEMPREGADOS/AS

tree_doctorConvocamos un Curso de Auxiliar Forestal enmarcado dentro do Programa de Formación e Inserción Social e Laboral da Asociación Érguete Baixo Miño cunha duración de 200 h.

O curso consta de dúas partes diferenciadas: unha primeira fase de formación teórico-práctica e outra segunda fase de prácticas en empresas. A data de inicio será o mércores día 28 de outubro en horario de 09:00 a 14:00 h. As prácticas en centros de traballo realizarase durante o mes de decembro e xaneiro.

Esta actividade está subvencionada pola Consellería de Política Social, o Fondo Social Europeo 2014/2020 e polas cotas dos/as socios/as da Asociación.

As persoas interesadas teñen que deixarnos o seu nome e un teléfono de contacto para establecer unha cita para a entrevista. As prazas son limitadas e o curso é totalmente gratuíto. O prazo de inscrición remata o venres día 23 de outubro.

Solicita máis información na r/Colón, 20 (Edificio O Pescador 1º piso) de A Guarda (Pontevedra), no teléfono 986 614 407 ou no e-mail  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

 
Programas Educativos Curso 2015-16

Co inicio do novo curso escolar, presentamos a guía breve dos programas que a Asociación Érguete Baixo Miño, no seu traballo cara a Prevención das Drogodependencias, Educación e Promoción da Saúde, oferta a todos os centros educativos da Comarca do Baixo Miño.

Estes programas formativos e informativos, van destinados a sensibilizar ao alumnado e ás familias para afrontar unha realidade á que cada vez se enfrontan a idades máis temperás. De forma lúdica e dinámica abordamos temas como as substancias, a resolución de conflitos, a presión de grupo, o ocio saudable, as pautas de actuación para os pais/nais e mestres, etc. traballando de forma específica no reforzo da personalidade.


 
XORNADAS XUVENTUDE 2015

XORNADAS EMPRENDEMENTO XUVENIL
TALLERES GRATUÍTOS PARA
MELLORAR OS TEUS COÑECEMENTOS DA REDE


Érguete Baixo Miño abre o prazo de inscrición para participar nunhas Xornadas de Emprendemento Xuvenil, nas que se pretende dotar aos asistentes dos coñecementos necesarios para xestionar a súa propia imaxe na rede.

As xornadas constan de cinco talleres onde se traballarán os seguintes contidos:
•    “FERRAMENTAS WEB” E “CREACIÓN DE BLOGS” 28 e 30 de setembro, 2 de outubro
•    “REDES SOCIAIS” 5 de outubro
•    “COMMUNITY MANAGER e SOCIAL MEDIA MANAGERTALLER” 8 e 9 de outubro
•    “POSICIONAMENTO NA REDE (SEO e SEM)” 14 de outubro

Estes talleres realizaranse en horario de tarde (de 16:30 a 21:30 h) nas aulas de Informática San Benito.

A actividade está organiza pola Asociación Érguete Baixo Miño xunto coa colaboración da Concellería de Traballo e Benestar – Dirección Xeral de Xuventude e Voluntariado- dentro do Programa Iniciativa Xove.

Para inscribirse ou solicitar máis información na r/Colón, 20 (Edif. O Pescador 1º piso) de A Guarda (Pontevedra), no teléfono 986 614 407 ou no e-mail  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

DESCARGAR FORMULARIO INSCRICIÓN

Cartel_Xornadas_Xuventude_2015

 
« InicioAnterior12345678910SeguinteFinal »

Páxina 6 de 15